----
Rev. Dr. Sumlut La Ting
A Sak (72)Ning
Sara Kaba Rev. Dr. Sumlut La Ting a
labau ginshi kadun
I. Shangai wa ai lam
Sam Mung Ginwang, Hinbuk mare na Sara Usa sumlut
Naw hte Jan Damau Sam ( Sara Usa Damau Naw a kasha ) yan
a kasha la N'La re. Hinbuk mare kaw 1938 ning, December
shata (6) ya shani shangai wa sai.
2 .Ma prat jawng lung wa ai lam,
Naw kaji ai aten kaw nna chying hkai chyu jaw kanu n nga mat ai,
dai hpang Hinbuk mare na Kawa a jawng hta jawng lung hpang wa sai,
asak (7) ning ten ( 1945-1954 ) kaw nna Namtu mare de jawng lung sa wa sai.
Kawa a shawng lam chye mu ai hte maren, ma ni hpe hpaji chye shangun mayu ai majaw nta hte
hka nna Namtu mare kaw jawng shalun ai hte jawng lung sa wa sai.( 1955-1959 ) Manmaw
Robert sasana lahta tsang jawng kaw wa lung la ai hte,( 1959-1960 ) ning hta tsang shi
awng la lu sai.
3 .Dakkasu hte chyum dakkasu lung ai a ten,
(1960-1964 ) ning hta tsang shi awng ai hpang, Yangung dakkasu kaw
hpaji hpung jat na matu lung hpang wa sai hte maren ,B.A.Eco, janmau hpe
awng la lu sai.
(1970) ning hta B.A.Dip.Ed. janmau hpe kalang bai kahtap awng la lu sai.
(1987-88) ning hta Burma Institute of Theology,Insein,
chyum jawng kaw nna B.D lahkawng ning pang hpe sharin hkam nna awng la lu sai .
(1990-92) ning hta International Theological Seminary (USA) Th.M hpe awng la lu sai.
(1993-94) ning hta Fuller Theological Seminary ( Los Angles,USA) kaw
M.A( Missiology), M.Div( Equavalency ).janmau ni hpe awng la lu wa sai.
(1994-97) ning hta ,Fuller Theological Seminary(USA) kaw nna
D.Min( Doctor of Ministry hpe kahtap awng la lu sai the maren 1997,ning,March shata
(17) ya hta, American mung daw Los Angeles mare
First Baptist Church of Alhambra Nawku hpung kaw nna sari lu Hpung Up aya dang hkam la lu sai.
4 .Asuya magam bungli hte, Sasana magam bungli gunhpai ai lam,
1964-1966 ,KutKai sasana jawng,NCS , hta Sara kaba Rev.Labya Tu Lum yan ,
Rev.Dr.Joshua Yang ni hte a rau, sharin achyin sasana hta, magam gun hpai lai wa sai.
1967-1983, Jawng ni hpe Asuya ni zing ai aten kaw nna(Nationalization),lapran tsang
jawng Up ,lahta tsang jawng Up, hpaji Du magam bungli ni hta gun hpai lai wa sai.
1985-24,March,2010 ,Karai kasang woi la ai aten ladaw du hkra, Lashu mare
Jinghpaw Wunpawng Hkalup hpung a magam ni hpe gun hpai wa lu sai.
1998 ning kaw nna dai ni du hkra Lashu hpung a aten hpring Hpung Up magam gun
hpai nga let, Myanmar Mission Outreach International(MMOI) sasana magam a
rap daw Hpa-awn hpe gun hpai lai wa sai.
1999-2002 ning hta Jinghpaw Wunpawng Chyum Kolik,Kuthkai ,Jawng Up a mu hpe
aten hpring gun hpai lai wa sai.
2009-2013 ning laman SGZ,Amu Madu kaba magam hta lata san da hkrum sai hte
gun hpai nga ai.
5 .Dinghku shang ai lam,
Sam mung ginwang Kutkai mare na, Duwa Labya La Seng hte jan Sarama
Maran Ja Nem yan a shyi sha Labya Hkawn Tawng hte 1964 ning,September shata (18 ) ya
shani,Kutkai mare hpung hta,Rev.Kareng Gam hku nna hkungran ya sai.
Kasha ni , dai ni mungkan chyambra nga ma ai.
kahpu kanau ni,
(1) Hpaji Du Sumlut Nawng Dawt
(2) Hpungtau Sumlut Ban Dam
(3) Sarama Sumlut Tawng
Kasha ni,
(1) Sumlut Ban Mun(T.T.C,BEHS-2, lashu)
(2) Sumlut Gun Htoi(B.A,Burmese,Yangon)
(3) Sumlut Roi Din(B.A,Hist, UFL-French)
(4) Sumlut Htu San ( B.Th,M.Div,B.A,Psy)
(5) Sumlut Kai Seng (B.Sc,Phy, UFL-Japanese)
(6) Sumlut Gun Maw ( B.A,Hist,)
(7) Sumlut Tawm Mai (Certified Nurse Aid,USA)
(8) Sumlut Pri Tum ( B.Eco,Yangon)
Kashu ni yawng marai ( 8 ) re.
6 . Kasi yu la mai ai lam,
(a) Bungli hpe a san sha hparan hpareng lu na atsam lu ai.
(b) Masing hpe a tsawm sha shingran mu ai hte woi awn sa wa chye ai wa re.
(c)Woi awn ai lam hta madat mara let hkan sa mayu hkra chye tsun shaga ai.
(d) Myit ru nga ai manang wa hpe akaw alaw rai n-gun jaw chye ai.
(e) Ding hpring myit san ai lam hpe ra sharawng nna myit san na matu grai lam woi ai.
(f) Myit masa grai dam lada ai hte hkungga ging ai kaji kawa re.
(g) Kahpu kanau shada tsawra myit grai chye madun ai.
(h) Shatsam da ai magam bungli ni hpe byin hkra woi shakut chye ai .
(i) Kaji kaba n-ging hka ai sha yawng hpe hku hkau kanawn mazum chye ai.
(j) Kaji htum ni hpe woi lakawn shalat na myit jasat lu ai.
(k) Madat mara ai lam hta hkan ai wa re.
(l) Lakawn lanawn ai lam hta apnawng ai, Daw jau ai, tatut magam lam hta kasi yu la mai
ai.
(m)Ningbaw ningla shalat shakat na galoi mung myit jasat ai.
(n) Manang wa galaw ai lam hpe manu shadan chye ai.
(o) Manang wa hpe grai chye tsang ya ai hte hku hkau chye ai.
(p) Ding hku kata,dinghku masha ni hpe grai chye makawp maga ai kawa kaja re.
(q) Ti nang a nta masha ni hta Karai Kasang hpe grau tsawra nna ningshawng jaw ai .
7. Jinghpaw Wunpawng Hkalup hpung masha ni hpe ,Sara Kaba hku nna tsun n-gun jaw mayu ai lam.
“ Tsawra ai Nu Wa ni e, KBC a hpung magam yawm wa ai n nga,jat wa de she yawng
sa wa ai hte maren, grau jat wa hkra anhte yawng a lit re ngu ,hkam la ai .Adonaram a kasha
Edward Judson gaw,New York mare na kawa a myitdum masat nawku htingnu ding shawn hta
tsun ai“suffering and success go together, if you are succeeding without suffering,
it is because other’s before you have suffered. If you are suffering without succeeding it is that
other’s after may succeed” nga ai the maren, “ n ni nkri hte awng dang ai lam rau kapyawn ai.
Nang n ni nkri nhkrum ai awng dang jang, na shawng na ni ru yak jamjau hkam lai wa na sai.
Nang n ni nkri hkrum nna, n awng dang jang, na hpang na ni awng dang na re.”
KBC a sasana anhte a kaji kawa ni arang bang shakut shaja ai lam,rung gan ai lam rai sai .
( past is a struggle ). Dai hte maren anhte lit lamang lu ai ni re(present is a responsibility)
hpe madun sai. Dai zawn shawng lam de shingran mu let,anhte hpe ndat ai lam hta shakut
sa wa ga(future is a challenge).
8 . Sara kaba a sakse hkam ai lam,
Mahkrum madup kaba langai gaw ,nye a sak hkrung lam hpe galai jashai dat ai
sara kaba ni a hpaji ni hpe, manang wa hpe lu garan gachyan ai daram myit dik ai mahkrum madup
kaba lam ni nga sai.Magam gun ten mayak kaba gaw,KaraiKasang jaw ya ai nye a atsam marai hpe,
myit dik hkra nlu jai lang ai hte maren, manang wa a atsam hpe mung, jaw hkrak ai hku
nchye jai lang ya ai mayak gaw,kaba dik ai manghkang re(limitation).
9 . Madu Yesu hta yup pyaw mat wa ai lam,
Madu Yesu Hkristu hta yup pyaw mat wa ai aten du hkra,Madu a magam hpe
gunhpai lai wa sai. 23-3-2010 ya shani SGZ a magam bungli ni hpe woi bawngban let,
mungdan galai shai wa ai hta hkan nna, sasana wuhpung wuhpawng ni kaw, private jawng ni hpe
hpaw sa wa lu na matu bawngban hpawng hpe galaw ngut ai hpang, 24-3-2010 ya jahpawt
Muse buga hpung a hkum dingnum gawknu dingshawn hte Manmaw kaw galaw na rai nga ai,
(36)lang na KBC hpung shawa zuphpawng de lung wa na matu hkyen nga yang sai rawt ana a jaw e,
Madu Yesu Hkristu hta manap (6:30,am) aten e ngwi pyaw simsa ai hte yup pyaw mat wa sai rai.
MISSION STATEMENT
"Our Mission is to glorify God by Equipping Leaders
Through Biblically Centered Education
To Effectively Demonstrate Authentic Christian Living
and to Engage in Gods Work Both Locally And Globally""""
SASANA HKAM LA LAM
Anhte a Sasana gaw Karai Kasang a Hpung Shingkang Arawng
Sadang Hpe Shagrau Sha-A na matu
Chyum Mungga hpe Madung Dat Nhtawm Jet ai Hkristan Asak Hkrung
Lam Hpe Atsawm Sha Chye tang Madun La Lu
Ai Ningbaw Ningla Ni Hpe Sharin Jahpat
Dat NNa Myen Mungdan Hte Mungkan Ting Karai Kasang a
Amu magam hta Shang Lawm ap nawng Sa Wa na Matu rai Nga ai Law.
Jinghpaw Prat Oct 19,1959
Magup Sumhpa (page 3)
Editor, Law Dan Du Zau Bawm
1. Ndai mungkan ntsa hta hpa ji chye ai ni yawng masha kaja nrai ma ai. Masha kaja yawng mung hpaji nchye ma ai.
2. Lam woi kaja ti mung ,. hpang hkan ai ni nkaja ma ai. Hpang hkan ai ni kaja timung lam woi ai ningbaw ni nkaja ma ai.
3. Mung masa hkan ai ni yawng , arawng aya nlu ma ai.Arawng aya lu ai ni yawng mung mung masa nhkan ma ai.
4. Myit kaja ai hte shakut shaja timung hkauna kaja nhkrup ma ai . Hkau na kaja lu ai ni mung , shakut shaja nkam galaw ma ai.
5. La shagu mung marai nrawng ma ai.Num shagu mung marai nyawm ai.
6. Amyu kaba, amyu kaji kaw na mung nhkru ai masha nga chye nga ai. Grit nyen ai amyu kaji kaw na mung masha kaja pru chye nga ai.
7. Jinghpaw ni yawng mung chyaru nmata yu ma ai.Hpara tara hkan ai ni yawng mung gawm nmagra yu ma ai.
8. Hkau na galaw ai masha yawng mung n’gu kaja nlu sha ma ai.N’gu kaja sha ai yawng mung hkau na kaja nlu ma ai.
9. Hkawhkam kasha yawng mung hkawhkam n’galaw lu ma ai.Hkau na galaw ai wa a kasha yawng mung nga nrem ra ma ai.
Tam sawk tawn ai Rev. Dr. Sumlut La Ting
July 2, 2008.
----------------------------------------------------------------
Laptop Alu jaw ai Tokyo Peace Church KCF hpung masha myit su ni yawng hpe grai chyeju dum ai lam
Ndai Laptop hpe 2006 ning July shata (4) ya kaw nna lang chyam hpang ai hku rai sai. Ndai laptop hpe mari kum hpa dat ai lawu de na mying rawng ai Japan mungdan Tokyo mare Tokyo Peace Church KCF hpung masha myit su ni yawng hpe grai chyeju dum ai lam masat dai ai law
- Maran Zau Hkun Seng yan Lasang Bawk Nem
- U Win Tint yan Woi Sau Ja Bu
- Sara Num Matelda Pan Htoi
- Sumlut Kawn Seng
- N De Htu Raw
- Miss Ida
- Shayi Ah Chang ni rai ma ai.
Grau nna laptop mari la lu na matu ya aten hta htuk manu ai manu the jaw hkrak ai arai kaja hpe lu la shangun ai tsaw ra shawang myit kaba madun let tinang a aten hpe jaw let internet kaw nna tam sawk mari ya dat ai U Win Tint the jan woi sau Ah Bu yan hpe mung ndang tsun hkra chyeju dum ai lam mung tsun da mayu ai hku re. Karai kasang kaw na grau ai chyeju gaw yawng hpe sumra garen nna jaw ya u ga ngu kyu hpyi dum lu ai law. Ndai laptop computer a manu Japan Yen mun 75560 dan ai re. Ya aten na myen gumhpraw manu hku nga jang Sen 944500 jan dan ai hku re lam mung htawm hpang de na kashu kasha ni chye na matu masat masa ndai computer kaw ka matsing da nngai law.
Dai the maren ndai aten na KCF ningbaw the mu madu rai nga ai lahpai Zau Tu the N Hkum zau Mai yan a hpaji jaw lam madun ai majaw mung re ngu chyeju grai dum ai lam mung masat masa ka tawn lu ai hku re.
Dai ning 2005 ning jan shata laman hkan nna Lashio Mare J/W Hkalup hpung a Sasana 75 ning Hpring Lungseng Jubeli ngut ai the rau Japn mungdan Tokyo Peace Church Hpung Up sara Kaba rai nga ai Rev. Makoto Tanno the SGZ mudu kaba rai nga ai Rev. Sing Gawng yan jawm myit hkrum,Japan kaw nga nga ai anhte a kashu kasha ni rai nga ai Kachin Christian Fellowship naw ku hpung a dai aten na ningbaw rai nga ai Salang Zau Tu, Mu madu Nhkum Zau Mai the hpung masha yawng a myit hkrum mang rum jawm myit hkrum shaga dat ai majaw,
2006 ning Feb. shata ( 21 ) ya shani Japan du 2006 ning Feb. shata (22) ya shani kaw nna dai shaning May shata ( 22 ) ya shata masum tup magan gun ap nawng da lu sai lam masat masa hpe mung ndai computer hta ka matsing da lu ai law.
Shata masum laman magam gun nga ai aten yak hkak ai lam amyu myu nga timung awng dang ai lam n-gun la lu na zawn re mung kapyawn nga ai hpe mung grai n-gun lu ai hku re.
Rev. Dr. Sumlut La Ting
---------------------------------------------------------------------------------------------------------------------------------------------------------------------
Maigan Nga Pra Sa Wa Na Jinghpaw Amyu Sha Ni A Makam Masham Hte Shawng Lam Shing Ran
(The Furure of Migrating Overseas Kachins)
Rev. Dr. Sumlut La Ting
1.Anhte a shawng lam shing ran
(a) Byin nga masa
- Pru sa ai amyu rai saga ai (generation of exodus)
- Awng dang ai amyu mung rai saga ai(generation of conquest)
- Shang sha amyu, chyeju hte hpring ai amyu (generation of blessing)
* Nanhte hta ngai rau hkawm rau sa nna, nanhte a Karai Kasang tai na nngai, nanhte mung nye a amyu tai na ma rin dai*(Jaw Jau 26; 12)
*Nanhte a Karai Kasang Yehowa nanhte a matu tsun da ai chyeju lam langai mi muk n yawm ai sha nlang the hpring tup wa sai gaw, nanhte nan tinang kraw, tinang myit hta chye nga myit dai.Nanhte a Karai Kasang Yehowa nanhte hpe tsun da sa chyeju lam shagu nanhte hta hpring tup wa sai zawn … ( Yawshu Laika 23; 14-15)
(b) Anhte a masat masa( our identity)
- lai sai kaji kawa ni a labau hta ru jung ai ni re. (we are rooted in the past)
- lai sai kaji kawa ni a shingran hta hkrang pru sa wa ai ni re ( we are shaped by the past)
(c) Labau hpe gara kaw nna hpang na
- Kaji kawa ni a rung gan shakut shaja lai wa sai kaw nna hpang ra na re
- Kaji kawa ni hpe kabu shangun ai mung anhte re, myit sharu ai mung anhte re
- (bringing the past and relay it to the future. Unfinished task)
- Ya na labau nang ka nga sai
- Kara kaw nna hpang ka sa wa na
- Na a sakse nang nan rai nga sai. ( You are witness against yourself)
2. Htawm hpang myit jasat mu ai amyu sha ni tai ga (future oriented Society)
(a) Mungkan chyam bra sai
- masawp amya ga, singat put
- USA, great Britain,Japan, Germany, Australia, Newzealand, Greek Cyprus,Singapore ,Malaysia,Thailand kaga mungdan law law hta chyam saga ai.
- 50 ning kapran na maigan du ai anhte a amyu sha ni
- Yawng a shawng daw de mai gan de Immigrant hku du sa wa ai ni gadai rai nga ga ni? Jawm sawk yu ga
(b) Dai ni na anhte lu ai lit ni (our responaibilities)
- Japan de ja gumhpraw sa tam shakut shaja ai prat ban lai wa saga ai
- Na shawng lam nga pra sa wa na lam she grau ahkyak mat wa sai nre ni?
- Na a shim lam lek mat, hte na a nga sa madang green card, stay permit . citizen na jasat ai lam (stand)
3. Ya nga pra sa wa na ban a maram masam
(a) Dai ni na ban
- tsa ban langai 100 ning nna sai
- tsa ban langai 10 ning sha na sai
- pyaw hpa lam shachyut nga ai ban (pleasure loving)
- mara hpe tsaw ra, hpa zawn nnawn ai ban (sin loving society)
- dinghku num la brun ai ban ( divorce exalting)
- mahkra a daju gaw yesu hpe ninghkap ai majaw rai na re
- internet prat, (I am the best, Me Myself, generation )
4. Jinghpaw Sasana Sara kaba ni a numhtet ga hte shingran ga ni
(a) Dr.Ola hanson (1913)
-*Jinghpaw amyu sha ni kaji kawa ni ningshawng ni pyi shingran nmu mada ai hta grau galu kaba wa na re. shadut jahkat re amyu nre sha n-ga sim sim sa sa rai nga mayu ai amyu re.(The Kachin people are growing up in ways unknown to their forefathers. Non aggressive and peace loving people) The Kachins, Their customs and Tradition) by Ola Hanson.
- *N-pawt nhpang gaw gaw de da lu sai grau kaba ai gawk nu hkrang ni hpe gaw htawm hpang de na ram ma ni bai gaw gap sa wa na re.*( The foundation has been laid the super structure will be built by younger generation who will enter this promising field) Pioneers among the Kachins) by Ola Hanson)
- *Shawng na Jinghpaw Hkristan ni a ban gaw lai mat wa magang sai, Sasana labau ni mung gade nna yang mat mat wa magang na sai*. ( The first generation of Kachin Christian has past away, the early history of the mission will soon be forgotten).
* Hristu a hkum hpe shagrin jat wa u ga, gun hpai ang ai bungli a matu,chyoi pra ai ni hpe shakup shatsup na (to prepare God-s people, or equip)--------- Karai Kasang a ka sha a chye chyang ai hpun da hpe dep lu nna, hkum tsup re ai masha ngu ai, ( Fullnes of Christ or Perfect). Ehpersu ; 4 ; 11- 13 )
(b) Sra Kaba Sword( 1938)
- Bangnoi du wa Hkun Hpung ( ya Unmti kaw asak 98, rai sai naw nga nga ai) hpe Kutkai nawku hting nu hkyen yang |*Hkun Hpung e, labau rai sai, nanhte Jinghpaw ni htawm hpang de maw daw law law hte nawku sa na ni rai nga mit dai nga htet da ai.*
(c) Adorniram Judson a kasha Edward Judson Newyork mare Adorniram masat nawku htingnu dingshawn kaw tsun ai re.
- *N-ni n-kri hte awng dang ai lam rau kapyawn chye nga ai. N-ni n-kri shawng yang shawng na, hpang yang hpang na awng dang ai gaw hpang hkan nang wa na re.*
5. Na lam Yehowa hpe ap ya u.
(a) *Yehowa hpe shamyet shanat nna kaja ai amu galaw u. Dai mung hta shanu nga nna sadi sahka tam u.( Shak.37;3)
(b) Karai Kasang gaw nang kanang nga ai kaw nna hpang mayu ai
- .Nang galu kaba mayu ai myit shawng rawng ra na re. Na a n-gun marai sha hpyi ai lam re ( your wiil)
- Ningbaw kaja hte arawng aya
- Matut manoi, ban hte ban galaw nga na magam she re. (It’s a process)
- Sharin achyin ra na
- Hkam sharang ra na
- Ap nawng daw jau, myit masin
- Ninggam langai hpang langai (One step at a time)
( c) Karai Kasang a n-gun marai ( God;s will)
Na a yaw shatawng shada ai lam Karai kaw teng teng kam u.(Trust God for your plan)
Ding man ai hte kamhpa ap nawng u.( True committed to God)
Karai Kasang a daw dan ai hkam la u. (Determine His will)
Na a sak hkrung lam hta Madu Yesu hpe ka-ang madung shatai u.( Let Christ the center of your life.)
Hpung dim; Galai shai nga ai mungkan ndai hta nmai galai shai ai Karai mungga hta maju jung nna,shakut shaja saw a lu na the galai shai nga ai mung kan ndai hta hkam jan lu na Karai kaw na atsam marai Wenyi tut tut hkam la ra na re.
Lahta e tsun lai wa sai hte maren Karai Kasang hpe mung kam, shi galaw ra ai bungli shi galaw nga ai zawn anhte mung anhte maga de shakut shaja sa wa ra na re.
Karang Kasang hpe sha kam nna anhte mu anhte n-galaw ai hku nre sha lahkawng maga Karai a myit ra ai hku hkam la let htawm hpang myit jasat rawng ai amyu sha ni tai sa wa ga ngu n-gun jaw dat mayu ai law
Rev. Dr. Sumlut La Ting
----------------------------------------------------------------------------------------------------------------------------------------------------
Hinbuk Sara Usa Sumlut Naw a Labau the
Hinbuk mare byin wa ai lam
Hin Buk mare ngu ai gaw Sam ga hku Hin Hpik ngu ai re. Lung Jung ngu ai re Mare baw kaw n lung jung tawn ai zawn re nga ai majaw, lung jung ngu ai kaw nna hpang daw de Hin hpik ngu ai hpe Jinghpaw hku HIN BUK ngu nna shamying ai re.
Hin Buk mare hpe Sumlut Naw a kaji Baw Ming Tug aw Myen Hkaw Hkam Thibaw lak htak e Loi Lung du Hkam Dan Ming a lak htak hta Man Dawp mayu Da Shi ni the makyit mahkai Man Bau mayu Da Bang htamung Lum Nan the dinghku de sharai la nna, 1815 ning aten daram kaw nna chyum ming kawng e hkyi nawng ndau mun the rau kahtawng hpe sa de hpang ai lam chye lu ai.
Dai hpang laning the laning Seng Hawm dak let de gin htawng shagu kahpu kanau jahkrum la, Kawa kawn Yawng yan kanu hpe KRAU the hpai hkrat wa rai mare de hpang masai.
Baw Ming Tu a kasha Baw Ming La a prat e mung, kawa a mare hpe galaw gaw kahtap jat ai the ru hka ni hpe wa rai galu kaba wa sai.
Sara Sumlut Naw gaw 1901 ning February shata 7 ya e
Hin Buk mare kaw kawa Baw Mung La the Da Shi Lu a kasha la nnaw re.
Rau rum kahpu kanau ni
- la ngam
- la nnaw( sara sumlut naw) (Hpaji du Nawng Dawt the Rev Dr. S. La Ting ni a Kawa)
- la nla
- la ntu ( kyawk htu sara ) Banlat, gam Mun, htu , nawng seng Immigration du, kai yangung e ng/) ni a kawa
- ma kaw (Husa)
- Ma Lu (gat Lwi ) Pausa jan
Jawng lung ten
Baw mung La a kasha La nnaw ( ya Sara Sumlut Naw) mung 1920 ning asak (18) ning hta Man Maw ga Nba Pa Sara Damau Naw yan Sara Ma Labya Lu a lata hta jawng kaji lung hpang sai.
1925 ning tan manga (5) awng
1926 ning hta tan ( 7 ) awng
1928 ning Nawman (normal) awng
Dinghku shang ten
Sara sumlut naw gaw Man Maw e tan sanit Normal awng la ngut ai the rau, 1928 ning hta kanu kawa nta masha yawng yesu a nhtosi de shang wa sai
1930 march shata hta Man Maw N ba Pa Sara Damau naw yan Sara ma Labya Lu a Kasha Damau Sam (Hka) the Hkristan dinghku de hpang sai.
Magam gun hpang ai daw
Dinghku shang ngut ai hpang jang Man Maw Kaihtik wura bum e 1930 ning kaw nna 1931 ning htum hkra sara galaw hpang sai
Dai hpang 1932 ning May shata 16 ya hta Sara Kaba Saword the mung masha ni bawng ban hkrum lu ai the Tawng Peng ga Hin Buk mare kaw jawng hpaw hpang sai
Hin buk jawng hta 1932 – 1935 ning du hkra sasana ni shabrai lap 20.00 the galaw lai wa sai.
Dai hpangJa pan shang wa ai shaning 1942 October 24 ya shani Sara Jan Damau Hka gaw Madu Yesu hta yup pyaw mat wa sai Dai hpang sara hkan wa ni Karen nga ai aten Sar jan Hpau La Lu (Rev. Hpau La Tu a kamoi Bawk hpe dinghku nnan bai de hpang sai
Sara Sumlut Naw gaw 1962 Feb 7 ya hta bungli kaw nna kangka mangan nga pesnsion la hkring sa sai.
Ning rai Lashio e nga ai kashu kasha ni the hkring sa nga ai aten hkum nkung mat wa sai the maren akajawng sha hpa machyi makaw nhkrum ai 1980 ning Jan. shata (23) ya shani madu Yesu hta yup pyaw mat wa sai. Shi a moi mang hpe Kya kan Hkristan lup wa kaw sar jan hpau la lu the rau lup makoi da lu saga ai.
Kashu Kasha ni
- Hpaji Du Sumlut Nawng Dawt ( B.A, Dip Ed.) the Sara Ma M. Esther ya (U S A)
- Hpaji Du Sumlut La Ting ( B.A, Dip Ed. Hpang e, Doctor of Ministry the Lashio hpung Up sara the Kutkai chum jawng Up)the Sara Ma Hkawng Tawng.
- Ban dam the tang Bau shalap Bawk(Lashio)
- Sara ma S. Tawng Lashio mare. Ni rai ma ai
Kashu 20
Sara Sumlut Naw a gun hpai lai wa sai magam bungli ni
- Loi Lung ga yawng a shawng jawng wa hpaw hpang nna Karai Kasang a nhtoi tai (Teacher Preacher hku nga lai wa sai)
- Loi Lung ga na jinghpaw yawng hpe nat kabai ai the Mungga nhtoi jahtoi lai wa sai
- Hinbuk mare kaw hpri hpraw galup hpun hpyen nawku jawng yawng a shawng woi shachyaw da lu sai
- Shi a majaw Man Bau, Husa Hai Dawng jawng ni hpaw hpang da lu sai.
- Loi lung ga hpu nau Balawng the jainghpaw ni a kapyan na manghkang ni hpe woi hparan da lu sai.
- No 2 majan , Naw Seng majan, aten shagu hta mung masha maga de tsap nna lam shagu woi hparan ningbaw lai wa sai.
- Jawng lung aten Nba pa de lagaw lam hku lung wa yu wa jum majap naw hpu shachyip gun nna lagaw lam hku hpaji sharin lai wa sai the kasi kaba madun da sai. Kalang mi na Namtu ga na machyu joishi gun nna jawng shabrai shatai na gun lung wa ai hpe shi manang ni grai hkap mau ma ai.
- Jawng lung ten asak (18) ning hta majaw the jawng kaji wa shang ai the dai shaning she kara hkap zen kau ya ai lam chye lu ai.
- Sara gaw bungli galaw grai shakut ai Hin Buk jawng ma ni hpe bungli man man woi galaw ai yi, sun, hkauna, galw nna jawng ma ni hpe shangun nna galaw ai hku galoi ngalw ai, shin an nhkring nsa galw let she woi galaw ai
- jawng su galw nna chying hkrang baw amyu my May myo kaw na hkai tum ni thet la nna woi hkai. Rai bawdwin shan hpraw ni pyi grai shakawn ma ai. Dai ni du hkra dai kasi ni hpe naw galaw sha nga nga ma ai/
Sara Sumlut Naw a myit akyang
Myit grai galu ai myi man nlata ai. Jet ai tsaw ra myit the makam masham hpe woi shalat ai. Tsa chyarunlu ai. Aten hkung ga ai jawng ma ni hpe shana shagu kyu hpyi woi awn ai.
Ndai sara gaw KBC shing wang hta shagrau hkrum ai sara mung re. 1977 ning 100 ning jaw kaw dazik shagrau hkrum ai wa re. Kutkai chyum jawng hta ra ai ja gumhpraw ga sadi alu shaning shagu jaw ai wa mung re.
1977 ning Mungmyit ko dawng ga sasana 50 ning ja jubli hta mung yawng a shawng na hkristan tai ja dazik ni hpe shagrau hkrum lai wa sai. Dai aten hta Sara Jan Hpau bLa Lu Mung Ja dazik shagrau hkam la lu sai re.
Ndai sara gaw nsin chyip rai nga ai loi lung ga hpe wenyi nhtoi hpaji nhtoi jahtoi ya ai hta n-ga hpaji sut gan nga sat nga sa lam yawng sharing ya nna masha law law hpe hkye hkrang la nna galu kaba lai wa sai the kasi kamang la mai ai kawa ding la rai nga ai chyeju madu kkawa daju tsi lai wa sai.
Dai ni na anhte kashu kasha ni mung kasi dai shachyaw kamang dai shachyaw nna matut pra sa wa ga ngu mung n gun jaw let Sara Sum Lut Naw a prat ladaw labau hpe ndai daram tam sawk tang madun lu nngai law.
Tam sawk sak se hkam ai wa,
Sara Sumlut Naw a jawng ma ding sa
Rev. Hpau La Tu ( Hpung Up Namtu mare Jinghpaw Wun Pawng Hkalup Hpung)
____________________________________________________________________________
Nawku Hpung a Rawt Jat Galu Kaba Wa Lam Masa
( Church Growth)
Wenyi N-Gun Ban Hpawng (Retreat)
Nawng Leng LMJH Bu Ga Sun
N-Htoi March Shata 7 Ya 2009 ning
Dr. S La Ting
Mungkan hta hkistan nawku hpung ni a rawt jat galu kaba wa ai gaw labau hta mau na zawn rai nga ai. Mungkan jahpan hku yu dat yang Hkristan gaw wa law htum rai nga ai. Mungkan amyu n-gin hka ai nem tsaw, lusu matsan nnga yawng hta chyam bra wa ai hpe mu lu nga ai.
- Mungkan masha japhan hpe yu ai shaloi, tsa lam shadang wan 200 hta 33% Hkristan, 1250 hta 19% Islam, 826 hta 13% Hindo, the 364 hta 6% gaw Bukda rai nga ai. Ngam ai % gaw kaga nawku ai the makam nnga ai ni re lam chye lu ai.
- Hkistan byin wa ai lam npawt hpe sagawn dat yu ai shaloi, kanu kawa Hkristan tai ai majaw kasha mung tai sa wa ai lam, (Biological growth) ( Ja nna mayat maya law htam wa mu. (NN 1; 24), Pru hkawm htawt wa htawt sa let law htam wa ai lam ( Tranfer Growth) Kahtawng ningchyawng kaw nna mare kaba de, mare kaba ni kaw nna bum ring bum ga de shara nnan de (. Na amyu matu ni hpe lamu shagan zawn ngai shalaw na ma we ai. NN 26 ;4), Galai shai wa ai lam Conversion growth) , Kabu gara shiga na la nna galai shai wa ai lam (Kasa 12; 24 Dai madu a mungga chyawm gaw galu kaba wa nna maden jat wa sai.
- Myu tsaw kata na rawt jat wa lam; 1919 ning hkan nna Korea Mungdan hta Japan ni up hkang nga ai kaw nna lawt lu lam hpe hkaw tsun ai kaw Hpung Up sara ni a hkaw tsun ai lam a majaw Korea mungdan ting nawku hpung ni hta su rawt su hprang wa ai lam(Hosea 13: 4, ^Ngai hta kaga Hkye hkrang la ai wa nnga ai).----- Korea Yoidu Full Gospel Church (1984) kaw Hpung masha 400000 ,Hpung Up 316, Hpungtau num-la 20805, bat shagu nawku ai 297000 re lam chye lu ai.(Donald A. McGavran, Understanding Church Growth 1980)
- Lai ladat ni 1. Nawku Jawng the seng ai lam hpa hta rai tim shachye shachyangshani sa wa ai ladat. (Institutional aproach) Masha yawng gaw Karai kasng a man e manu dan asung shang ai lam shachye shachyang sa wa ai lam . Lata gindun hpung magam Lay Ministry). Tinang nan tinang jaw hkrak ai hku ,hkam la ai, daw dan ai Ngai ngu ai EGO kaw nna Karai Kasang hpe shagrau sha-a ai lam (Edging God Out kaw nna Exlting God Only). ---2. Langai hkrai kaw shani kahtep sa wa ai lam (Individual Aproach). Langai hkrai a makam masham lam hpe shapraw ya ai –manu shadan ya ai --- magam ni hpe sawn ya ai---n-gun shajat ya ai.
- chyeju Kumhpa amyu myu Karai Kasang gaw masha hkum shagu hpe chyeju kum hpa amyu my jaw ya ai (I Kor. 12 ; 4) --- 1. Chyeju kumhpa amyu myu baw sumhpa, (Variety of gifts—Greek ga Charismaton)----2. Gun hpai na bungli amyu baw sum hpa –Variety of Ministries, Diokonian),--- 3. Magam atsam shapraw ai, Variety of Effect, Emergematon).. Ndai lahta na lam masum gaw anhte nan galaw ra na magam nan rai sai. (I Kor 7;7, 12 ;7, I Pet 4;10)..
- Dai Majaw Rawt jat ai nawku hpung gaw , 1. kang ka sadi dung ai re.(Church grawth is faithfulness). –2.Masha nga pra sa lam sha n-re. Kangka ai shangun ma ni re.( Not merely sociological process, but faithful servant to God).---3. Mat mat ai ni hpe kang kang ka ka rai tam ai lam re.(faithfulness in finding the lost)---4. Hkan sawk ai sha n-re mu hkra tam ai re.( Not to search but to find) –5. Mu sai hpang gaw jahkru shakat ra sai ( folding anf feeding) ---6. Kaba wa ai nawku hpung ngu ai gaw. Matsan dum lama ai the myit tau ya ai re. ( Humaine action). Kasa 4;12
Shamyet shanat laika ni 1. Church Growth State of the art, C. Peter Wagner ---2.Understanding Church Growth. Donald A. McGavran. 3. Manam Hpang Dictionary, 4. Chyoi Pra ai Chyum Laika. 5 Century Growth, Sara Kaba Tegenfeldt.
------------------------------------------------------------------------------------------------------------------------------------
Loihkang SGZ hpung shawa zup hpawng a matu chyum laika sharin lakjet
March 26, 2009 Dr. La Ting
“Nsin kaw nna nhtoi de (IPet. 2: 9)
Ga nhpaw; Anhte nga pra nga ai mungkan ndai kaw Hkristan ni gaw chyoi pra lam hta hpyi lajin nga ai sha n-ga chyoi pra ai lam hta shaga la hkrum ai ni re. Mungkan ndai hta dan dawng nga ai lam lahkawng gaw kaba la ai makau mayang grup yin mungkan hte kam sham ai ni a makau mayang grup yin mungkan. Dai the maren lai sai ban prat hte ya prat pra sa wa nga ai ban prat ni hpe dan dawng ai hku mu mada ai lam rai nga ai.
Makau mayang grup yin mungkan gaw nga mu nga mai nna, kam sham ai mungkan gaw Karai Kasang a ga sadi hte lahku la hkrum ai hpe mu lu ai ( outsiders and insiders). Dai hte maren Karai Kasang rai n lahku la yang na ban prat a ten hte lahku la ai hpang na sak hkrung lam ban prat hpe mung gin hka nna mu lu nga ai.
Nnan e nsin kata na amyu gaw ya nhtoi kata na amyu sha ni tai wa sai. Kam sham ai ni gaw madat mara ra na sha n-ga Karai Kasang a hpung shing kang arawng sadang hpe shakawn shagrau na ra wa sai.
Dai the maren Nsin kaw nna nhtoi de du sai amyu gaw nawku daw jau let shakawn kungdawn nga ra na rai nga ai.
1. Nsin hpe lachyum shaleng yang
Nsin hte nhtoi hpe Karai Kasang hpan da ai lam
“ Karai Kasang gaw nhtoi hpe jahtoi nna nsin hpe mung hpan da ai (Esai 45:7)
Nsin hpe nhkru nshawp re lam, shut hpyit ai, tsin yam tsin dam, hkrit hpa mung re lam
“Shana na hkrit hpa hte shani e gap dat ai pala hpe -(Shk 91;7)
“ Shana a majaw nhkru nkaja ai du pru chye nga ai. (Yawba. 7:3)
Greek hpaji sara Plato; Masha gaw nsin e hpa hpe mung asanpra pra nmu lu ai a majaw, lamawm hkawm nga ai. Nsin gaw tsin yam tsin dam hpe shapraw nna myit ru myit yak myit tsang lam sha byin nga ai.
Myit tsang lam ma hkra gaw masha nlai yen lu ai si hkrung si htan hpe hkrit ai kaw nna pru wa ai re. Dai majaw nsin gaw si hkrung si htan mung kan sha re.
“ Lagut gaw shana e du ai ( Yeremia 49 :9)
Ga shaka dingsa hta mu mada ai lam gaw Karai Kasang gaw nsin the nhtoi lahkawng yan hpe hpan tawn da ai re majaw, nsin hte nhtoi lahkawng yan a madu re hpe kam hpa na ra sharawng ai lam re.
“ Nsin hta hkawm nga ai amyu gaw nhtoi kaba mu lu ma ai. (Esai 9:1)
Ga shaka Ningnan hta Madu Yesu shana the seng ai a sharin shaga ga ni
“ Yesu gaw shana e kyu hpyi ai (Luk 6; 12)
“ Nikodi gaw Yesu kaw shana e sa ai (Yawh 3:2)
“ Kasa Pawlu a lawt lu lam shana e re( Kasa 9:25)
“ Petru Yesu hpe shana e nyet ai ( Mahte 26;34)
“ Yuda gaw Yesu kaw na shana e pru mat wa ai (Yawh 26;30)
Nhtoi a kasha ni tai na lam
“ Nsin e tsun ai nhtoi e mung tsun na lam. (Mahte 10; 27) Nhtoi the nsin hpe maren sha tawn ai lam
“ Dai nhtoi gaw nsinm e htoi ai. Nsin mahtang dai hpe n chye hkap la ai (Yaw 1;5)
“ Yesu gaw nhtoi re (Yawh. 12;46)
“ Yesu hpe kam sham ai ni yawng gaw nsin e nrawng nga mu ga (Yawh.12;46)
Tara dara na lam
“Nhtoi gaw mungkan ga de shang sai . Masha ni a a rawn alai nshawp nga ma ai majaw, shanhte nhtoi hta nsin hpe grau tsaw ra ma ai, dai gaw tara dara hkrum ai lam nan rai nga ai.(Yawh. 3;19)
Tara nlang ai ni hten run na lam
“ Tara nlang ai ni a nhtoi hkoi mat na re.( Yawb. 39 15)
“ Ding hpring ai ni a lam chyawm gaw, jahpawt nhtoi the bung nga ai. Tara nlang ai wa a lam chyawm gaw, nsin zawn rai nga ai. ( Gash 4; 18,19).
2.
2. Nhtoi hte seng ai lam
Ga shaka dingsa hta nhtoi gaw ask a matu ra kaba mung re. Dai majaw nhtoi the asak gaw matut mahkai nga ai . Karai Kasang gaw nhtoi hpe yawng a shawng e hpan hpajang da ai lam (NN 1;3).
Mungkan masha shagu dai ni du hkra nhtoi gaw gara kaw nna hpang wa nna gara hku mungkan hpe garan shaleng nga ai lam mau nma naw rai nga ai. Dai majaw nhtoi a asak hte wenyi kaw nna, hkye hkrang la ai de, shing nrai kabu gara ai de du wa lu nga ai.
Nhtoi gaw kaja ai kumla re. Shaman ai mung re.
“ Karai Kasang gaw Israela ni kaw nhtoi zawn dan pru ai. (Esai 62:1)
“ Dingman ai ni a matu nhtoi htioi nga ai (Shk 97;11)
“ Nawku sum kata na pyen ding a lachyum gaw asak a nhtoi hpe madun ngas ai (Pru.25;31)
Gashaka Ningnan hta
Asak hkrung lam ting hta nhtoi hpe ahkyak tawn ai lam, nhtoi hta hkawm sa na lam sharin ai.
“ Dai rai nna masha ni gaw nanhte a kaja a bungli mu lu nna , sumsing lamu e nga ai nanhte a kawa hpe shagrau sha-a lu mu ga shanhte a man e nanghte a nhtoi hpe htoi tu shngun nga mu law. ( Mahte. 5 ;16)
Nanhte gaw mungkan ga a nhtoi rai nga mit dai (Mahte 5;14)
Nhtoi a kashu kasha matut tai sa wa na lam
“ Ngai nanhte hpe nsin e tsun dan ai lam nhtoi hta e tsun dan mu, nanhte na the na la ai lam hpe nta ntsa nna hkaw dan mu(Mahte 10;27).
Nhtoi gaw tsaw ra myit mung re.
“ Shi a kahpu kanau hpe ndawng nyawt ai wa gadai mung nsin e ya du hkra a lup nga ai. (I Yaw. 2:9)
Kasa Pawlu mung nhtoi a kashu kasha ni tai na matu sharin ai.
“ Asak hkrung ya ai mungga hpe lang nga let, shanhte a ka-ang e mungkan ga a nhtoi zawn nanhte htoi tu nga na myit dai.( Hpil. 2;15.16)
Nhtoi a hpyen hking ni hpe dagraw nga na lam.
“ Nsin the seng ai bungli hpe raw sharun kau nna, nhtoi a hpyen hking hpe dagraw nga ga.(Rom. 13;12)
Nhtoi gaw n-gun mung re.
“ Shi chyu sha hta ni hta na asak rawng nga ai the n-dep lu ai nhtoi hta anga nga ai (I Tim. 6; 16)
(Spiritual and moral darkness) Nsin kaw na n-gun mai lu ai. “ Nhtoi kaba mu lu ma ai rai nna, si ai mung the de a shingnip kata hta dung nga ai ni kaw, nhtoi dawng pru wa sai.( Mahte 4; 16)
( Intellectual darkness. ) Nsin kaw nna wenyi n-gun “ Myi kyaw ai ni a lam woi ai wa, nsin e lup nga ai ni a nhtoi. ( Rom. 2; 19). Mahkawn ka sara Ben Crosbey gaw myi nmu ai wa rai ti mung mahkawn 8000 hpe lu ka da ai.
( To be lighten ) Nhtoi gaw htoi nan htoi ra na re. “ Na a hkum hkrang hkum ting htoi nga ai rai yang gaw pyen din htoi tu kabrim ai the nang hpe jahtoi ya ai zawn na hkum hkrang ting htoi na ra ai. ( Luk. 11; 36). Panglai wan shadaw hta bungli gun ai hkan wa a lam (Mahte 5; 15) Pyen din hpe jahtoi na matu she re.
(Being guided by His light He reflects His character. ) “ Mungkan ga de sa nga let masha nlang the hpe jahtoi ya ai. Nhtoi majing chyawm gaw nga nga sai. (Yaw 1;9) Nga hkan sha ai hkan nu a lam.
Hpungdim
Dai ni na anhte a makau mayang hpe anhte kara hku mu nna makam masham hpe kara hku shajat la na lam sharin nga ai ngu mu mada lu ai. Hkristan nre ai the Hhristan ni a makau mayang hpe kara hku mu na.
Hkristan ni gaw hkin jawng shara hta nawng jau na matu shaga la ai ngu ai hta dai ni na anhte a shgu hkung ga gaw kang ka sadi dung ai shangun ma ni rai na the madat mara ai shagu hkungga hte tsaw ra myit a ask hkrung lam shagu hkungga rai nga ai ngu mung maram lu ai.
Kamsham ai ni a hkristan masat masa gaw hpa rai nga ani? Hkrisatan hpawng shingra a masat masa gaw hpa rai nga ga ni?
Lai sai aten (nsin hta gyit hkang ai aten) the ya aten ( nhtoi a kashu kasha ni) kaja wa lawt lu saga ai kun?
Shamyet shanat laika ni
1.Dictionary of New Testament Theology Volume 1. 2.
2. The International Std Encyclopedia V.1,3
3. Evengelical Dictionary of Theology
4. The New Interpreters Bible Commentary.
5 Chyoipra ai chyum Laika
Htumpa Ganawt Hpung Magam
(Lay Ministry or Bottom Up misnistry)
2007 Ning Dinghku Bat sharin lakjet
By
Rev. Dr. Sumlut La Ting
I. Cyum Mungga hte Hpung Magam
- Kasa Pawlu a Hpung Magam 5. (Ehpesu 4:11-12) shakup shatsup na , shakung jahpat na
- Kasa Petaru a hpung magam 6. (I Petru 2: 4-5, 9; 10), hkin jawng ni re,. Lata la ai, san san ginghka la ai. Ahkaw ahkang kaba lu ai,.kam sham ai ni yawng gaw hkin jawng ni kaw nna , kam sham aini yawng gaw hpung a magam gun ni re.Hpa rai?
- N.T hta nawng jau ai nga jang shagu hkung ga hpe ap nawng ai , asum hkam ai. Lawm ging ai shagu hkung ga ga
1.shagrau sha-a ai.2. Chyeju dum ai.3.Tsawra myit hta madung ai arawn alai ni.
- O.T hta Hking jawng mung dan shatai ai.(Pru.19;5'6) Lachyawk mi hpe sha nre.
- Yak kaba gaw; shaga la ai ngu ai hpe ahkaw ahkang, shagrau na matu,arawng
aya amatu ngu , shangun ma a magam ngu aI, mungkan ting shi lam chye na matu jai lang ai hku nchye na ai lam.
2. Kam sham ai ni yawng Karai Hpaji Sara ni re.
- Greek ga hku Theology hpe theos ngu ai Karai, logia sharin hkaja ai.
- Christology Yesu Hkristu a lam sharin ai hpaji
- Sotereology Hkye hkrang la ai lam hte seng ai Karai hpaji
- Harmartiology Yubak mara a lam hte seng ai Karai hpaji
- Eschatology Jahtum nhtoi hte seng ai karai hpaji
- Ecclesiology Nawku hpung hte seng ai Karai hpaji (hpung shawa hpaji) ( ministry of tha Laity)
- Nawku hpung hpe lai wa sai aten hta mu ai lam Hpung up hpung sara ni a mu she re. Hpung tau ni a amu re.
- Naw ku hpung hpe dai ni mu ra ai lam ni. Nawku hpung gaw hpung magam re. Hpung magam gaw nawku hpung re. Dai hta shang lawm ai ni yawng gaw hpung a magam gun ni re. (Marku 10:45)
-Greek ga hku diakonia gaw Hpung magam ngu ai lachyum re.(Hpa majaw ta?
3. Kam sham ai ni yawng gaw Hpung a magam gun ni re.
- Yu maya hpung masha.Ngai gaw yu maya hpung masha sha re.
Aten hpring magam gun nre.chyum jawng mung nlung ai ni
- Yu maya hpung masha ngu ai hpe Greek ga hku Laos hte Laikos ngu mu lu ai.
- Chyum laika ting hta Laos hpe sha lang ai (Luka 10;30,)
-Ngai gaw yu maya ngu ai hta Karai Kasang a masha rai nga nngai.ngu ra na re.
Dai Majaw
Hpung Up hpung sara ni hpung tau ni hpe karai Kasang shaga la ai hte yawng gaw hpung a magam gun ni re. alak mi re magam gaw lu ai Kan bau bung li shai shajang ai.(Theology of dustmop).
Bungli hte nawku daw jau ai lam
Dinghta mungkan bungli hte chyoi pra ai magam
Hkristan ni gaw dingdung kahtum hte dingda jahtum mungkan kapran e assk hkrung hkawm sa nga ga ai.(Bi-Polar existence)( The World of the Church and the World of the World) (Extnsion of our worship Service)By James L. Garlow, {Partners in Ministry, Laity and Pastors working Together}
--------------------------------------------------------------------------------------------------
JING HPAW NI KAW SA AP NAWNG LAI WA SAI AMERICAN SASANA SARA KABA NI HTE SHANING NI
Dinghku hte sa ap nawng ai Sara ni Dinghku hte n-re ai Sarama ni
1. Lyon 1878 shata mi Stark 1889- 6 ning
2. Robert 1879-1913 34 ning Manning 1888-1891 3 ning
3. Cronkhite 1881- 1883 2 ning Eastman 1897-1907 10 ning
4.Furguson 1889 shata 6 Sutherland 1897-1907 7 ning
5.Hanson 1890-1928 38 ning J.Smith 1892-1893 1 ning
